Двухгадовага ката-ўцекача знайшлі амаль за 40 км ад дома — у пасёлку, дзе ён нарадзіўся.
Руды кот па мянушцы Купідон знік з дома ў Борнмуце адразу пасля Калядаў, а знайшлі яго ў пасёлку Одстак каля Солсберы. «Ён жыў у суседнім доме два гады таму — я нават не ўяўляла, што гэта тое самае кацяня», — распавяла Эмі Осбарн, якая знайшла ката, піша Бі-бі-сі.
Гаспадыня Купідона Індыя Рэдмен сказала, што ёй «язык адняло». «Ён павінен быць разумнейшы, чым здаецца — неверагодна, як ён знайшоў шлях назад».
Спадарыня Осбарн змагла вярнуць Купідона ў яго сям'ю пасля таго, як апублікавала падрабязнасці пра ката ў сацыяльных сетках.
«Індыя не магла паверыць, што гэта ён», — дадала яна.
«З усіх месцаў, куды ён мог уцячы, так дзіўна, што ён апынуўся ў месцы свайго нараджэння — гэта павінен быць інстынкт вяртання дадому».
Дабрачынная арганізацыя Cats Protection заявіла, што такое надзвычайнае падарожжа — нязвыклае для катоў.
«Даволі часта каты вяртаюцца дадому за 3-4 кіламетры, але падарожжа Купідона — надзвычайнае», — адзначыла спецыялістка ў паводзінах хатніх жывёл Нікі Трэвароў.
«У адрозненне ад іншых жывёл, якія могуць выкарыстоўваць вядомыя арыенціры або магнітныя палі для навігацыі на велізарныя адлегласці, каб вярнуцца да свайго месца нараджэння, у катоў няма прыроднага інстынкту вяртання дадому», — дадала яна.
-
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску
-
Якую дошку для нарэзкі выбраць — драўляную ці пластыкавую? Што кажуць спецыялісты
-
82‑гадовая амерыканская бабуля дабілася, каб у дамах састарэлых падавалі алкаголь
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску23
Каментары