У судзе Чэрвеньскага раёна 29 студзеня разглядалася крымінальная справа, заведзеная супраць Віктара Лагуціна па артыкуле 341 Крымінальнага кодэкса. Лагуціна абвінавацілі ў тым, што намаляваў на прыпынку паласу чырвонага колеру, паведамляюць праваабаронцы.
Справу разглядаў суддзя Анатоль Чаркоўскі. Пракурор — Васіль Вярбіцкі.
Згодна з абвінавачваннем, Віктар Лагуцін пятага снежня 2020 года намаляваў чырвоную паласу на прыпынку ў вёсцы ў Чэрвеньскім раёне, што «істотна знізіла эстэтычныя каштоўнасці прыпынку». Матэрыяльная шкода, нанесеная дзеяннямі Лагуціна, была ацэнена ў 8 рублёў 84 капейкі.
Віктар віну цалкам прызнаў, таму суд прайшоў вельмі хутка — усяго за 25 хвілін. Да суда абвінавачаны знаходзіўся на волі.
Пракурор запрасіў пакараць Лагуціна штрафам у памеры 50 базавых велічынь (1450 рублёў).
У выніку суддзя Чаркоўскі вынес такі прысуд, як і прасіў пракурор: 50 базавых велічынь штрафу (1450 рублёў).
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі14
Каментары