Дэпутат, старшыня парламенцкага Камітэта па нацбяспецы і абароне Лаўрынас Кашчунас сказаў, што 12% спажыванай у Літве электрычнасці — гэта электраэнергія з Беларускай АЭС, піша Delfi.
«Цяпер мы бачым, што каля 12% спажыванай у Літве электрычнасці выраблена на БелАЭС, у Астраўцы. У месяц гэта 11 млн еўра. Можна сказаць, што спажыўцы плацяць за АЭС», — сказаў журналістам Кашчунас.
Паводле яго слоў, пытанне блакавання БелАЭС цесна звязана з праектам сінхранізацыі, таму важна як мага хутчэй вырашыць рознагалоссі з Эстоніяй і Латвіяй.
Міністр энергетыкі Дэйнюс Крэйвіс прадставіў даныя, паводле якіх, у апошнія 10 дзён палова ўсёй электраэнергіі, якая прыходзіць у Літву праз беларуска-літоўскае злучэнне, — прыйшла з Беларусі, а іншая палова — з Расіі. «Яшчэ столькі ж электраэнергіі купляюць на біржы ў Латвіі. Паколькі ў нас утварыўся велізарны дэфіцыт электраэнергіі, мы электрычнасць выкарыстоўваем і плацім за яе», — сказаў Крэйвіс.
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус папаў беспілотнік32
Каментары