Паводле версіі абвінавачвання, усё адбывалася на працягу амаль трох гадоў — з жніўня 2017 года па май 2020 года, паведамляе Генпракуратура.
Дзяўчына заводзіла ў сацыяльных сетках выдуманыя анкеты і размяшчала аб'явы аб аказанні магічных паслуг. Потым нібы для правядзення абрадаў і рытуалаў яна прапаноўвала свае паслугі і пераконвала перадаць ёй грошы нібыта на куплю неабходных матэрыялаў, а таксама ў якасці платы за саму паслугу.
А калі ў чалавека не было грошай, яна прапаноўвала купіць у растэрміноўку для яе мабільныя тэлефоны або бытавую тэхніку.
Акрамя таго, яна размяшчала ў інтэрнэце аб'явы аб продажы тавараў, якіх у яе не было. Пасля таго як ахвяра пераводзіла грошы, перапіска сканчалася.
Потым жанчына прыдумала размяшчаць аб'явы пра навучанне заробку ў інтэрнэце на платнай аснове.
Ёй пераводзілі грошы, а яна перасылала ахвяры спасылку на відэаролікі, якія і так былі ў свабодным доступе.
У выніку яна падманула 48 чалавек, выманіўшы ў іх 72 300 рублёў.
У ходзе судовага разбору яна прызнала сваю віну ў поўным аб'ёме, часткова кампенсавала прычыненую пацярпелым шкоду.
У выніку суд вынес ёй абвінаваўчы прысуд: 3 гады 6 месяцаў калоніі агульнага рэжыму, а яшчэ штраф 2900 рублёў.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны4
Каментары