Чарговы «допыт» Гладкай: дзяўчына вымушаная апраўдвацца, што размаўляе па-беларуску
25 сакавіка па тэлеграм-каналах шырока разышлося відэа, на якім відаць, як падчас гутаркі інтэрв'юера з Нінай Багінскай на заднім плане амапаўцы выхопліваюць дзяўчыну з фотаапаратам.
Ужо ў РУУСе прапагандыстка з «СБ» Людміла Гладкая запісала размову з затрыманай.
Яе завуць Марыя Ціханава, ёй 23 гады, яна родам з Магілёва. Дзяўчына навучаецца ў маскоўскім Інстытуце сучаснага мастацтва па спецыяльнасці «Рэжысура кіно і тэлебачання» і ў Мінску здымае курсавую працу, прысвечаную жанчынам у сучасных рэаліях. Цэнтральнай асобай сваёй работы Марыя абрала Ніну Багінскую.
Гладкая задала Ціханавай каля 10 пытанняў, і гэта былі пытанні, уласцівыя міліцэйскаму допыту: нешта з наездам, нешта з жаданнем падлавіць паддопытнага.
- Што вы робіце ў Мінску?
- Чаму ў Мінску?
- У Маскве няма сучасных жанчын?
- Каго вы там здымаеце?
- Чаму менавіта Багінская?
- Ну яна ж не вельмі сучасная жанчына?
- А як вы апынуліся побач з ёй у гэты час?
- Чаму менавіта ў гэтым пункце?
- Дзе вы чытаеце навіны?
- Якія тэлеграм-каналы?
Адзінаццатым пытаннем стала тое, чаму Ціханава размаўляла з гераіняй па-беларуску.
«На відэа, — шчыра кажучы, мы яго трошкі паглядзелі, — там чуваць, што гаворыце на беларускай мове…» — здзівілася Гладкая.
«Так, канечне, бо я з Беларусі, з Магілёва, раней вучылася ў Мінску і беларуская мова мая родная», — шчыра адказала Марыя Ціханава.
26 сакавіка суддзя Цэнтральнага суда горада Мінска Дзмітрый Карсюк арыштаваў студэнтку з Масквы на 15 сутак.
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары