Крыптавалюта Ethereum дасягнула рэкорднага максімуму — гэта пагражае біткоіну
Другая па велічыні крыптавалюта Ethereum за год вырасла ў чатыры разы. Інвестары мяркуюць, што хутка вядучай крыптавалютай будзе Ethereum, а не біткоін.
4 мая цана адзінкі Ethereum упершыню перавысіла 3 тысячы даляраў, піша Deutsche Welle.
Пандэмія выклікала фінансавую няпэўнасць ва ўсім свеце, у выніку чаго са студзеня біткоін, самая папулярная крыптавалюта, вырас на 100%. Менш вядомы Ethereum павялічыўся ажно на 360% за той жа перыяд, а яго заснавальнік 27-гадовы Віталь Бутэрын стаў самым маладым мільярдэрам, які разбагацеў на крыптавалюце.
Усё больш інвестараў робяць стаўку на Ethereum, тэхналогіі блокчэйна якога могуць дазволіць гэтай крыптавалюце абагнаць біткоін у будучыні.
Адна з прычын росту папулярнасці Ethereum абумоўленая распаўсюджваннем тэхналогіі DeFi — формы фінансавання, якая працуе на блокчэйне Ethereum. Больш за тое, DeFi стала асновай для ўзаемазамяняльных токенаў (NFT), якія становяцца ўсё больш папулярнымі ў свеце лічбавага мастацтва.
На мінулым тыдні Еўрапейскі інвестыцыйны банк паведаміў, што ўпершыню ў гісторыі была выкарыстаная тэхналогія блокчэйна Ethereum для выпуску 100 мільёнаў еўра.
Некаторыя інвестары перакананыя, што крыптавалюту Ethereum недаацэньваюць. На сёння яе капіталізацыя складае 364 мільярды даляраў, а тэндэнцыі росту Ethereum не спыняюцца.
«На роздум далі паўгадзіны». Настаўніцы з Полацка давялося звольніцца з-за тыкток-блога2
Каментары