У судзе Маскоўскага раёна Мінска 4 мая асудзілі на 2 гады «хатняй хіміі» тэхніка Інстытута мяса-малочнай прамысловасці Андрэя Цемяноўскага па арт. 369 Крымінальнага кодэкса за абразу ў тэлеграм-канале «Карнікі Беларусі» камандзіра АМАПа Дзмітрыя Балабы. Пацярпелы Балаба ацаніў маральную шкоду ў 1000 рублёў. Абвінавачванне падтрымліваў пракурор Яўген Сілякоў, паведамляюць праваабаронцы.
Андрэя Цемяноўскага прызналі вінаватым у тым, што ён 11 і 12 кастрычніка 2020 года ў тэлеграм-канале «Карнікі Беларусі» пакідаў каментары абразлівага зместу на адрас камандзіра АМАПа ГУУС Мінгарвыканкама Дзмітрыя Балабы. Сам каментар у судзе агучаны не быў.
На судзе абвінавачаны Цемяноўскі віну цалкам прызнаў.
У выніку, суддзя Сяргей Кацэр прысудзіў Андрэя Цемянеўскага да 2 гадоў абмежавання волі без накіравання ў выпраўленчую ўстанову — «хатняй хіміі». Таксама ў поўнай меры задаволілі заяўлены пазоў Балабы аб кампенсацыі маральнай шкоды памерам у 1000 рублёў.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары