Выкарыстоўвалі флот дронаў-невідзімак.

Крыніца ЦРУ ў венесуэльскім урадзе адсочвала месцазнаходжанне Нікаласа Мадура як за некалькі дзён, так і непасрэдна ў моманты перад яго захопам амерыканскімі сіламі спецыяльных аперацый. Пра гэта паведамляе са спасылкай на крыніцы The New York Times.
Амерыканская разведвальная служба атрымала звесткі, якія прывялі да захопу Мадура, кантралюючы яго пазіцыю і перамяшчэнні з дапамогай флоту дронаў-невідзімак. Гэта забяспечвала амаль бесперапынны маніторынг у дадатак да інфармацыі ад венесуэльскіх інфарматараў.
Пакуль не ясна, як менавіта ЦРУ завербавала венесуэльскую крыніцу, якая паведаміла амерыканцам пра месцазнаходжанне Мадура. Аднак былыя чыноўнікі адзначылі, што відавочна дапамагла ўзнагарода ў 50 мільёнаў даляраў, прапанаваная ўрадам ЗША за інфармацыю, якая прывядзе да захопу Мадура.
Дональд Трамп таксама расказваў у інтэрв'ю Fox News, што амерыканскі спецназ пабудаваў дакладную копію дома Мадура, каб падрыхтавацца да захопу.
Каментары