«Праз пяць хвілін ужо ведаў міністр». Саладуха расказаў пра страшную аварыю год таму
За стырном быў сын спевака, а сам Саладуха ехаў непрышпілены.
У снежні 2024 года спявак Аляксандр Саладуха з сынамі трапіў у страшнае ДТЗ. Машына некалькі разоў перакулілася. Аварыя адбылася каля Оршы, а прычынай таго, што аўто вылецела з трасы, стала слізкая дарога.
У нядаўнім інтэрв'ю АНТ Саладуха расказаў болей пра тое ДТЗ.
За стырном тады быў ягоны сын Аляксандр, а сын Антон сядзеў ззаду. Сыны былі прышпіленыя, а сам Саладуха не.
«У мяне Алег (беларускі кампазітар Алег Елісеенкаў, які памёр у кастрычніку 2024 года. — НН) мільгануў перад вачыма. Думаў, пайду. Вось літаральна некалькі секунд», — дзеліцца Саладуха.
«Калі мы потым заехалі на запраўку, нам далі машыну ад дырэктара таго завода, дзе мы выступалі, два кіроўцы. Мы заехалі на запраўку, памыліся, пачысціліся. Я зайшоў мыцца і ў мяне такая думка прыйшла, я потым яе ўспомніў. Напэўна, Гасподзь Бог вось так распарадзіўся і сказаў зверху: вам яшчэ рана».
Саладуха кажа, што праз пяць хвілін пра здарэнне ўжо ведаў міністр аховы здароўя Аляксандр Хаджаеў, бо беларусы і расейцы, якія прыбеглі з трасы і даставалі спевака з аўто, адразу яго пазналі.
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала12
Каментары