26 мая бацькам Дзмітрыя Фурманава Аляксандру і Вользе адмовілі ў спатканні з сынам. Палітвязню падоўжылі знаходжанне ў карцары да 1 чэрвеня. Да гэтага Дзмітрый ужо правёў у карцары турмы № 1 Гродна сем сутак, паведамляе Hrodna.life.
Дазвол на спатканне ад суддзі атрымалі, распавяла ў Facebook дзяўчына Дзмітрыя Вольга Каракіна. 19 мая спатканне перанеслі па той жа прычыне.
У сярэдзіне мая Фурманава адправілі ў карцар пасля таго, як ён прысеў на ложак у неналежны час, а наглядчык напісаў рапарт, што ён ляжаў. Яго выклікалі на прафілактычную гутарку, дзе тлумачэнні Дзмітрыя не сталі слухаць. Пасля гэтага ён замаўчаў у знак пратэсту і атрымаў сем сутак карцара. За што Фурманаў атрымаў карцар другі раз, бацькі не ведаюць.
У карцары абвінавачаны знаходзяцца адзін у камеры, яму нельга чытаць, пісаць і атрымліваць лісты, хадзіць на шпацыр, хадзіць на спатканні. У камеры прыбіраюць ложак і матрац. Як правіла, распавёў Аляксандр, гэтыя камеры размяшчаюцца ў падвале, з-за чаго там холадна і мокра.
Дзмітрый Фурманаў — палітвязень, які праходзіць абвінавачаным па «справе Ціханоўскага». Яго абвінавацілі паводле ч. 1 арт. 342 КК «удзел у групавых дзеяннях, якія груба парушаюць грамадскі парадак». Па словах пракурора, Фурманаў дапамагаў шукаць Ціханоўскаму саўдзельнікаў за ўзнагароджанне. Пракурор запытаў яму два гады пазбаўлення волі ў калоніі агульнага рэжыму. 31 мая пройдзе апошняе слова абвінавачаных. Шэсць сутак ён і яго дзяўчына Вольга трымалі галадоўку. Улетку 2020 года дзяўчына і мама палітвязня абвяшчалі галадоўку, каб дапамагчы Дзмітрыю.
-
«Абутак для сапраўдных патрыётаў»: беларуская фабрыка робіць для школьнікаў боты з чырвона-зялёнымі шнуркамі
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
Каментары