Пасол Расіі ў Беларусі Яўген Лук'янаў заявіў, што ў сітуацыі з затрыманнем у Мінску 23 мая расіянкі Сафіі Сапегі і следчымі дзеяннямі расійскі бок ніякага ціску на беларускія ўлады не аказвае, піша ТАСС.
«Ідуць следчыя дзеянні, мы чакаем іх завяршэння і фармулявання абвінавачвання па выніках следчых дзеянняў, — сказаў пасол журналістам у аўторак. — На дзеянні ўладаў Беларусі ў гэтым кантэксце мы ніякага ціску не аказваем, мы выконваем нашы паўнамоцтвы ў рамках консульскай канвенцыі і будзем працягваць гэта рабіць».
Дыпламат адзначыў, што, наколькі вядома з кантактаў расійскіх консулаў і паводле інфармацыі адвакатаў Сапегі, яна «адчувае сябе добра, умовы яе ўтрымання адэкватныя, хоць зразумела, што знаходжанне ў следчым ізалятары вялікай радасці нікому не дастаўляе».
«Як будуць развівацца падзеі далей, думаю, мы даведаемся найбліжэйшым часам», — сказаў пасол.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна10
Каментары