У Польшчы ў Хадановіча выйшла новая кніга — з найлепшымі вершамі і свежымі творамі
У Польшчы выйшаў зборнік паэзіі Андрэя Хадановіч «Фантомныя радасці». Змешчаныя ў ім 70 вершаў надрукаваныя па-беларуску і па-польску.
Фота: Сяргей Гудзілін
Як кажа Хадановіч, яго папярэдняя польская кніга выходзіла аж 15 год таму.
Новы зборнік склалі як вершы з мінулых кніг (фактычна, выбранае), так і новыя, напісаныя ў 2020-2021. Іх назбіралася 17.
Пераклады некаторых тэкстаў друкаваліся раней.
«Але большасць перакладзеная цяпер у рэкордныя тэрміны»,
— усміхаецца Хадановіч.
Перастварэнне па-польску ажыццявіў Адам Паморскі, кніга выйшла ў выдавецтве Pogranicze.
8 і 9 ліпеня яе прэзентуюць на фестывалях у Кракаве.
Хутчэй за ўсё, кніга не будзе прадавацца ў Беларусі. Магчыма, яе можна будзе набыць праз інтэрнет.
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары