«Газпрам» патлумачыў адмову ад аўкцыёнаў на пастаўкі газу ў Еўропу
На аўкцыёнах, якія адбыліся ў панядзелак, 5 ліпеня, «Газпрам» не набыў магутнасці ў газаправодах на пастаўку газу ў Еўропу праз Беларусь, Польшчу і Украіну на год наперад (пачатак газавага года адлічваецца з 1 кастрычніка, калі стартуе ацяпляльны сезон), паколькі рынак дае магчымасць «гнутка» браніраваць іх на кароткі тэрмін. Пра гэта РБК паведамілі ў прэс-службе кампаніі.
«Газпрам» не браў удзел у гэтым аўкцыёне, улічваючы «забяспечанасць газатранспартнымі магутнасцямі пад бягучыя абавязацельствы кампаніі і магчымасці іх гнуткага дадатковага браніравання на наступных, у тым ліку кароткатэрміновых аўкцыёнах», — адзначылі ў прэс-службе. Акрамя гадавых аўкцыёнаў, грузаадправіцелі могуць забраніраваць магутнасць на квартальных і штомесячных таргах.
У Еўропе 5 ліпеня прайшлі аўкцыёны браніравання месца ў газаправодах на год наперад. Чакалася, што «Газпрам» можа забраніраваць частку магутнасцяў дадаткова да кантрактных абавязацельстваў па прапампоўцы газу праз Украіну, а таксама праз Беларусь і Польшчу на фоне павышанага попыту ў Еўропе на газ для запаўнення падземных газасховішчаў і ў межах падрыхтоўкі да асенне-зімовага сезону.
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам7
Каментары