«Я лячу дамоў. На жаль». Лёгкаатлетка Дар’я Барысевіч пакідае гульні з-за траўмы
Беларуская лёгкаатлетка Дар'я Барысевіч не выступіць на Алімпіядзе ў Токіа.
«Я лячу дадому! На жаль, АГ пройдуць без мяне. Праведзена вялікая праца, набрана добрая форма і… траўма. Сур'ёзная траўма, пры якой мой удзел у бегу на 1500 м аказаўся немагчымым.
Цяжка перадаць мае пачуцці і эмоцыі… Дзякуй усім, хто знаходзіўся побач, падтрымліваў і падтрымлівае кожную хвілінку!»
«Я жадаю ўсёй беларускай камандзе ўдалага выступу, буду заўзець за кожнага! Бо выдатна ведаю, праз якую працу і боль (ва ўсіх сэнсах) трэба прайсці, каб адабрацца і падрыхтавацца да АГ. Усім вялікіх поспехаў і дзякуй!» — напісала Барысевіч у сваім Facebook.
У беларусаў пакуль няма медалёў на Алімпіядзе. Найлепшыя шанцы будуць пад канец тыдня, калі пройдуць фіналы ў алімпійскага чэмпіёна ў батуце Улада Ганчарова (субота) і скакуна ў вышыню Максіма Недасекава (нядзеля). Сёння 100 м вольным стылем плыве Анастасія Шкурдай.
Цяпер чытаюць
Яны пайшлі ад нас у 2025 годзе. Згадваем беларусаў, якіх мы страцілі4
Каментары