Дзяржава дала магчымасць зарабіць на акцыях Беларусбанка з прыбытковасцю 500%. Як так атрымалася?
Займальная сітуацыя разгортваецца вакол акцый Беларусбанка, якія прадаюцца супрацоўнікам па 18 капеек, але праз два гады іх можна абмяняць на «прывілеяваныя» і прадаць на біржы з прафітам у сотні працэнтаў — цяпер яны гандлююцца па 3,5-5 рублёў.
Як працуе схема?
У Беларусбанка акрамя дзяржавы і фізасоб ёсць акцыянеры-юрасобы. Нехта з іх, імаверна, меў крэдыт у Беларусбанку і ў 2019-м пагасіў як мінімум частку не грашыма, а акцыямі самога Беларусбанку. Згодна з заканадаўствам, Беларусбанк абавязаны гэтыя акцыі прадаць цягам году. І вось тут пачынаецца самае цікавае.
Калі акцыі банка гандлююцца на ліквіднай біржы — зразумела, што ёсць арыенцір іх бягучай цаны. Але ў Беларусі такога няма.
Нават калі няма арыенціра, на развітых рынках банк можа ці пайсці да буйных прафесійных інвестараў і паглядзець як яны могуць ацэньваць акцыі, ці наняць спецыяліста па ацэнцы.
Але ў выпадку дзяржаўнага Беларусбанка ёсць сфармаваная цана ў 18 капеек за акцыю. Банк піша, параметр зададзены стратэгіяй развіцця.
Набыць акцыі могуць толькі супрацоўнікі і акцыянеры банка. І вось, калі пратрымаць гэтыя акцыі ў сябе два гады, то існуе магчымасць абмяняць 18-капейкавыя акцыі на прывілеяваныя, цана на якія сёння — ад 3 да 4,5 рублёў. І гэта не канец росту.
«Цяпер «прывілеяваных» акцый на рынку ў разы меней, чым звычайных, але таксама — амаль чатыры мільёны акцый. Па акцыях за 18 капеек дывідэнды амаль не плацяцца — прыбытковасць па іх атрымліваецца 1-2% у год, — тлумачыць «Нашай Ніве» фінансіст Максім Адаськевіч. — А па прывілеяваных акцыях дывідэнды вельмі вялікія, у 2020 былі 51 капейка на акцыю. То-бок праз два гады можна атрымаць даходнасць у сотні працэнтаў».
Такі прыбытак з'яўляецца цалкам легальным і можа быць адлюстраваны ў дэкларацыях.
«Атрымліваецца, дывідэнды па прывілеяваных акцыях выплачваюцца ў выніку недаатрымання дывідэндаў па звычайных. Пры гэтым, звычайныя акцыі належаць дзяржаве. […] Самае цікавае адбываецца на трэцім этапе продажу акцый, калі здымаецца ліміт на колькасць акцый у адныя рукі — мінулым разам увесь нерэалізаваны аб'ём забралі за некалькі секунд», — звяртае ўвагу ў сваім тэлеграм канале фінансіст Дзмітрый Нарывончык.
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары