АДКБ дапаможа Таджыкістану ў выпадку абвастрэння сітуацыі на мяжы з Афганістанам
Сілавыя структуры Таджыкістана трымаюць сітуацыю на мяжы з Афганістанам пад кантролем, але Арганізацыя дамовы аб калектыўнай бяспецы (АДКБ) дапаможа ў выпадку абвастрэння абстаноўкі, заявіў генеральны сакратар АДКБ Станіслаў Зась.
«Сёння там сітуацыя неспрыяльная, але таджыкскія памежнікі і праваахоўныя органы цалкам кантралююць межы краіны», — сказаў Зась аб сітуацыі на мяжы Таджыкістана і Афганістана пасля пасяджэння ў Душанбэ Савета кіраўнікоў МЗС, Мінабароны і сакратароў саветаў бяспекі АДКБ, піша interfax.by.
«Таму ўсе дзяржавы — члены АДКБ адзіныя ў меркаванні і яшчэ раз пацвердзілі агульную пазіцыю: у выпадку абвастрэння сітуацыі на паўднёвых рубяжах АДКБ, Таджыкістану будзе аказана ўся неабходная ваенная і ваенна-тэхнічная дапамога», — сказаў Зась.
Зась адзначыў, што 16 верасня на пасяджэнні Савета калектыўнай бяспекі АДКБ будуць дэталёва разгледжаны прапановы па прадухіленні магчымых пагроз з Афганістана, мяжа з якім у Таджыкістана складае 1300 км.
У АДКБ уваходзяць Беларусь, Арменія, Расія, Казахстан, Кыргызстан, Таджыкістан.
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары