У сталічнай ДАІ прапрацоўваюць варыянт змены схемы арганізацыі руху каля Камароўскага рынку.
На вул. Кульман на ўчастку ад вул. Куйбышава да вул. Я. Коласа арганізаваны аднабаковы рух. Каля праезнай часткі размешчаны буйны гандлёвы цэнтр і іншыя аб'екты, куды на асабістым транспарце прыязджаюць пакупнікі і прадаўцы. Аўтамабілі паркуюць у два шэрагі, грэбуючы правіламі. Затое два крытыя паркінгі па суседстве з дарогай застаюцца не запоўненымі.
Акрамя аўтамабіляў, якія прыязджаюць на рынак, тут праходзіць нямала транзітнага транспарту з выездам на вул. Да таго ж з-за машын, што стаяць у зоне дзеяння дарожных знакаў, якія забараняюць стаянку, нярэдка ўзнікаюць заторы. Усё гэта шмат у чым ускладняе жыццё мясцовым кіроўцам, якія вымушаны цярпець нязручнасці пры выездзе з дваровых тэрыторый на вул. Беламорскай і Цнянскай і заездзе на іх.
— У ДАІ паступае шмат зваротаў ад грамадзян, якія просяць навесці парадак з паркоўкай транспарту на вул. Кульман каля Камароўскага рынку, — адзначыў намеснік начальніка аддзела тэхнічных сродкаў і сістэм ДАІ ГУУС Мінгарвыканкама Дзяніс Лівановіч. — Нягледзячы на тое што экіпажы ДПС аддзела ДАІ Савецкага РУУС перыядычна кантралююць выкананне ПДР на пазначаным участку, парушэнняў правілаў стаянкі там па-ранейшаму шмат. Дзяржаўтаінспекцыя правяла абследаванне ўчастка дарогі, вывучыла абстаноўку. У выніку прапанаваны варыянты змены схемы арганізацыі дарожнага руху на вул. Кульман на ўчастку ад вул. Куйбышава да вул. Коласа. Галоўная мэта — пазбавіцца затораў. Прапрацаваны варыянт закрыцця скразнога праезду ад вул. Куйбышава ў бок вул. Коласа. Рух будзе ажыццяўляцца ад вул. Я. Коласа да вул. Цнянскай у двухбаковым рэжыме з магчымасцю заезду на Камароўскі рынак, выездам з вул. Цнянскай і заездам на вул. Беламорскую. З боку вуліцы Куйбышава ўезд будзе ажыццяўляцца толькі на паркінг з выездам назад на вул. Куйбышава. Гэта значыць, гэты невялікі ўчастак стане двухбаковым. Астатнюю частку вул. Кульман працягласцю каля 170 м (ад заезду на паркінг у раёне вул. Куйбышава да заезду на тэрыторыю Камароўскага рынку), плануецца зрабіць зонай камфорту для пешаходаў.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары