Ролік у тыктоку мужчына падпісаў «Расіяне ў Беларусі…»
У Гомелі беларус заўважыў аўтамабіль з расійскімі нумарамі, які, мяркуючы з відэа, прыпаркавалі на газоне каля дома. Ён зняў гэта на відэа і апублікаваў ролік, заўважыла BGmedia.
На відэа бачны белы аўтамабіль, які стаіць коламі на зялёнай зоне побач з дрэвамі.
Ролік хутка сабраў шмат каментароў. Некаторыя карыстальнікі не хавалі свайго абурэння:
«У Расіі таксама ў сябе так паркуюцца?»
«Трэба караць, Беларусі зарабляць грошы на штрафах».
«Гэта чые-небудзь браты-расейцы, як многія тут пішуць».
Адзін з каментатараў звярнуў увагу на рэакцыю некаторых расіян на заўвагі пра парушэнні.
«Самае дзіўнае ў тым, што яны не разумеюць. Ты яму робіш заўвагу, а ён шчыра не ўтыкае і кажа: «А што такога?»»
Некаторыя каментатары апублікавалі свае назіранні за паркоўкай расіян.
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары