Вакцынацыя ў 11 разоў зніжае імавернасць смерці ад кавіду — даследаванне
Прафесар Школы грамадскай аховы здароўя пры Універсітэце Джорджа Вашынгтона Леана Вен распавяла, што кавід-вакцыны зніжаюць імавернасць інфікавання ў шэсць разоў, а імавернасць смерці — у 11 разоў. Пра гэта яна заявіла ў інтэрв'ю CNN.
«Вакцыны супраць COVID-19 надзвычай эфектыўныя для прадухілення захворванняў, і асабліва цяжкіх. Апошнія даныя амерыканскіх цэнтраў па кантролі і прафілактыцы захворванняў паказваюць, што яны памяншаюць імавернасць заражэння COVID-19 у шэсць разоў, а імавернасць смерці — у 11 разоў».
«Аднак вакцыны супраць COVID-19 не засцерагаюць вас на 100%, як любая іншая вакцына або лячэнне не з'яўляецца 100-працэнтна эфектыўнымі».
Найчасцей у групу рызыкі трапляюць людзі старэйшага ўзросту са спадарожнымі хваробамі і асобы з аслабленым імунітэтам.
Акрамя таго, рызыкі ўзрастаюць пры наяўнасці іншых інфекцый у арганізме.
Даследаванні ў 13 штатах за паўгода паказалі, што цалкам вакцынаваныя асобы складалі толькі 4% усіх шпіталізацый з каранавірусам.
Непрышчэпленыя асобы трапляюць у бальніцы з-за кавіду ў 17 разоў часцей, чым цалкам вакцынаваныя.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары33
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары