«Міс Беларусь» паведаміла, што не паедзе на сусветны конкурс прыгажосці праз карону
Пераможца нацыянальнага конкурсу прыгажосці «Міс Беларусь — 2021» Дар'я Ганчарэвіч паведаміла, што яна і яе бацькі захварэлі на карону. З-за хваробы, піша дзяўчына, яна не патрапіць на конкурс «Міс свету — 2021».
У Instagram дзяўчына заклікала насіць маскі, па магчымасці выконваць сацыяльную дыстанцыю і вакцынавацца.
Нагадаем, 10 верасня ў Палацы спорту прайшоў фінал конкурсу «Міс Беларусь 2021». Пераможцай стала 18-гадовая Дар’я Ганчарэвіч. Яна працуе мадэллю і выкладчыцай дэфіле ў Нацыянальнай школе прыгажосці.
Раней пераможца конкурсу «Міс Беларусь» — 2021 Дар'я Ганчарэвіч распавяла ў інтэрв'ю дзяржаўнай «Мінскай праўдзе», што ў разгар беларускіх пратэстаў у верасні 2020 года яе выкарысталі «ў радыкальных намерах».
Нібыта яна «выпадкова» ўзяла ўдзел у «апазіцыйнай фотасесіі», дзе дзяўчыны фатаграфаваліся перавязанымі чырвонымі стужкамі «па схеме БЧБ»: «Мне тады ледзь споўнілася 17 гадоў. Мая знаёмая, дызайнер, з якой я супрацоўнічала ўжо на працягу некалькіх гадоў, запрасіла мяне ў чарговы праект. Я ёй цалкам давярала, але, мабыць, дарма. Гэта не было праявай маёй грамадзянскай пазіцыі, а было выкарыстаннем мяне ў сваіх радыкальных намерах».
І заявіла, што шкадуе аб тым, што ўдзельнічала ў «палітычнай фотасесіі: «Мне трэба было загадзя пацікавіцца тэматыкай і быць асцярожнейшай».
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2020
Каментары