Піневіч: «Амікрона» пакуль не знайшлі, але, відаць, ён цыркулюе ў Беларусі
Міністр аховы здароўя сёння на сустрэчы з журналістамі ў Брэсце ахарактарызаваў сітуацыю з кавідам у краіне. Ён сказаў, што чацвёртая хваля пайшла на спад.
«Усе рэгіёны знаходзяцца фактычна на адным узроўні, шпіталізацыя склала менш за 30% ад піку цяперашняй хвалі. Інтэнсіўнасць цыркуляцыі віруса паменшылася.
Новы штам «амікрон» мы пакуль не знайшлі, але, думаю, што ён ужо цыркулюе. Мы гатовыя да гэтага.
Цяпер, пакуль краіна знаходзіцца на спадзе хвалі, установы аховы здароўя актыўна пераабсталёўваюцца і нарошчваюць сістэмы кіслароднага забеспячэння. Запасаў медыкаментаў у нас дастаткова».
Па словах міністра, важна, што беларусы адгукнуліся на заклікі да вакцынацыі.
«Падкрэслю, любы тып вакцыны, які ёсць цяпер, эфектыўны і супраць новага штама. Заўтра мы чакаем яшчэ адзін борт з КНР з кітайскай вакцынай [1,1 млн доз]. Таксама мы атрымалі «Спутнік Лайт», бустарная вакцынацыя ідзе досыць інтэнсіўна», — дадаў міністр.
Цяпер чытаюць
Выйшаў на свабоду былы топ-журналіст АНТ Дзмітрый Семчанка9
Каментары