На паліцах з'явіўся «смятанны прадукт». Што пра гэта кажуць удзельнікі рынку?
Чытачы паведамляюць пра дзіўныя навінкі на беларускім малочным рынку — там з'явіўся «смятанны прадукт», які стаіць на тых жа паліцах, што і смятана, але каштуе танней. Пры гэтым упакоўка не акцэнтуе ўвагу на раслінных кампанентах прадукту, на ёй напісана: «з сапраўднага малака».
Малако, можа, і сапраўднае, але, калі зірнуць на складнікі, акажацца, што замест малочнага тлушчу ў такім «смятанным прадукце» — танны раслінны замяняльнік, пальмавы алей.
Што праўда, у іншых краінах Еўропы можна знайсці «смятану» ці «вяршкі», на якіх будзе напісана: «Не ўтрымліваюць лактозу».
Але гэта іншае, гэта ў нейкім сэнсе прыміяльны прадукт на вузкую аўдыторыю — веганаў. Там таксама выкарыстоўваюцца замяняльнікі жывёльнага тлушчу, але дарагія, кшталту міндальнага алею.
У Беларусі схема іншая. Тут такі «смятанны прадукт» разлічаны не на вузкую прэміяльную групу спажыўцоў, а на шырокую і бедную. Цана такой смятаны амаль у 1,5 раза ніжэйшая, чым у сапраўднай, а ў складзе — недарагі пальмавы алей.
«Гэта зусім іншы прадукт, па смаку не зусім смятана, хаця па кансістэнцыі вельмі нагадвае. З дапамогай спецыяльнага абсталявання спачатку выдаляецца тлушч з малака, атрымліваецца бялковая аснова, да якой потым дадаюцца раслінныя тлушчы, — патлумачылі Onliner на харчовым камбінаце ў Горках, дзе наладзілі выпуск смятаннага прадукта. — Мы робім звычайную смятану і прадукт харчовай — проста дзеля асартыменту, каб прапанаваць пакупнікам нешта новае. Тое ж самае, як з маслам: вось вы прыходзіце ў краму і можаце купіць звычайнае сметанковае масла, спрэд ці маргарын. Людзі выбіраюць, каму што больш падабаецца».
Як адзначылі ў гутарцы з «Нашай Нівай» удзельнікі рынку, смятанны прадукт вырашылі прадаваць «з-за падзення прыбыткаў насельніцтва».
Згодна з апытаннем даследчага цэнтра BEROC, 36% беларусаў вымушаныя эканоміць на ежы.
Чытайце таксама: У некалькі разоў больш за афіцыйную інфляцыю. Як падаражэлі за год аліўе і селядзец пад шубай
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары