Літаратура

Айцішнік з Гродна расказаў рэцэпт кавы па-турэмнаму. Між іншым, з часныком

Глеб Койпіш правёў у СІЗА амаль чатыры месяцы, цяпер чакае адпраўкі на «хімію» дома і апісвае турэмны побыт у дасціпных замалёўках у сябе ў Фэйсбуку. 

Вярнуўшыся 9 снежня дамоў, я ўбачыў «кругаль». Такі самы металічны, якім карыстаўся на працягу мінулых трох з паловай месяцаў. Не, гэта быў не падкол з боку жонкі: яна хацела перадаць яго мне ў турму, але посуд не прымаюць. Вось, цяпер дома п’ю каву з кругаля. 

«Кругалём» у турме называюць кубак. У мяне ёсць два варыянты этымалогіі:

— раней існавала традыцыя перадаваць кубак з кавай, гарбатай альбо чыфам па крузе. Адтуль і назва. Традыцыя амаль знікла, але назва засталася.

— А магчыма, назва паходзіць ад нямецкага «der Krug» — збан альбо вялікі кубак.

У адной з камер мы прыдумалі рэцэпт кавы і назвалі яе Café à la façon de la prison, што з французскага азначае «кава па-турэмнаму». Вось, як яна гатуецца.

1. Кіпяцім ваду ў кругалі суседа ці камазіку (ёмістасць, зробленая, напрыклад, з пластыкавага кантэйнера ці tetrapak-пакунка ад соку, і прыстасаваная да кіпячэння вады).

2. Праграем кубак кіпенем. Павольна выліваем ваду, пракручваючы кругаль, каб сагрэлася і верхняя частка кубка.

3. Папярэдне чысцім зубок часныку і разразаем яго напалам. Месцам разрэзу націраем ніжнюю частку кубка. Часнык зробіць смак кавы больш выразным, дый у турме часнык ніколі не бывае лішнім.

4. Насыпаем дзве чайныя лыжкі кавы з верхам.

5. Павольна тонкім струменьчыкам заліваем вадой так, каб яна патрапіла на ўсю каву. Вады павінна быць не больш за 100 мл, інакш кава будзе не дастаткова насычанай.

6. Накрываем кругаль чым-небудзь цяжкім і цёплым, каб кава лепш заварылася. Трымаем некалькі хвілін.

7. Здымаем нешта цяжкое і цёплае з кругаля і б’ем ім аб цвёрдую паверхню альбо трасем у бакі, каб абсадзіць гушчу, адначасова ўтвараючы пенку.

Voila, café à la façon de la prison у кругалі прыгатаваная.

Спадзяюся, што калі я вярнуся дамоў у наступны раз, мяне не будзе чакаць там «шлёмка».

Каментары

«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі7

«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі

Усе навіны →
Усе навіны

Актывісты прыехалі на польска-беларускую мяжу «блакаваць рух». Але гэта блакаванне ўмоўнае10

«За раз сабраў 500 грыбоў!» Беларус навучыўся беспамылкова вызначаць суперураджайныя паляны1

У офісе Зяленскага абверглі, што прэзідэнт дасць інтэрв'ю Такеру Карлсану

Колькасць нараджэнняў у Мінску падскочыла 3 ліпеня на 175%2

Па дарогах Беларусі ездзіць мульцяшны рэтрааўтамабіль3

Латушка: Лукашэнка склікаў закрытае пасяджэнне Рады бяспекі для абмеркавання патрабаванняў Польшчы1

Праваабаронцам дакладна вядома пра сем палітзняволеных, якія ўчора выйшлі на волю1

Трамп рыхтуецца да суперніцтва з Камалай Харыс за пасаду прэзідэнта ЗША

У Расіі затрымалі камандзіра дэсантнікаў, якія зверствавалі ў Бучы. Але затрымалі яго за іншае8

больш чытаных навін
больш лайканых навін

«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі7

«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі

Галоўнае
Усе навіны →