Крыніцы: МЗС прымушае амерыканцаў радыкальна скараціць колькасць штату пры пасольстве, ажно да закрыцця
Як стала вядома «Нашай Ніве», на мінулым тыдні ў беларускім МЗС была сустрэча з пасламі вялікіх заходніх краін, якім даводзілася пазіцыя ўладаў па рэферэндуме.
Карыстаючыся нагодай, лукашэнкаўскае МЗС выставіла амерыканцам патрабаванне істотна скараціць колькасць персаналу пры дыпламатычнай місіі. Гаворка ідзе пра скарачэнне дзясяткаў людзей. Што праўда, гаворка перадусім пра беларусаў, якія працуюць на пасольства: аналітыкі, перакладчыкі і гэтак далей.
Пасольства ЗША ў Мінску. Фота з Вікіпедыі
«Застанецца толькі намінальная колькасць персаналу, а ўвогуле ім сказана рыхтавацца да таго, што на дзверы пасольства будзе павешаны замок», — паведаміла крыніца.
Сама пасол ЗША ў Беларусі Джулі Фішар з моманту свайго прызначэння не была ў Мінску.
Каментары