Суд Ушацкага раёна 28 студзеня разглядзеў справу па арт. 24.23 КаАП супраць жыхара вёскі Чарсцвяды. Паводле пратакола, мужчына «ў двары свайго дома вывесіў БЧБ-сцяг, чым правёў несанкцыянаванае пікетаванне», піша «Вясна».
Фота ілюстрацыйнае.
Судзілі мужчыну па скайпу. Ён растлумачыў, што ўвосень мінулага года самастойна з падручных прадметаў вырабіў беларускі сцяг памерам 30 на 60 сантыметраў і прымацаваў яго да драўлянай жэрдкі даўжынёй каля трох метраў. Гэтую жэрдку ён прывязаў да ствала дрэва.
Мужчына пацвердзіў, што сцяг быў відаць з дарогі.
Суд пакараў вяскоўца 15-сутачным арыштам.
Каментары