На Краснай плошчы ў Маскве жанчына зладзіла салют па заданні махляроў
Днём 25 снежня наведвальнікі Краснай плошчы сталі сведкамі несанкцыянаванага салюту каля навагодняй ёлкі. Было зроблена некалькі залпаў з феерверка пад назвай «Вясёлы феерверк», піша Baza.
Тады адказных за інцыдэнт выявіць не ўдалося, але ўжо на наступны дзень паліцыя затрымала 62-гадовую Святлану.
Святлана распавяла паліцэйскім, што запусціла феерверк па патрабаванні «супрацоўніка ФСБ», з якім яна падтрымлівала сувязь на працягу некалькіх тыдняў. Як высветлілася, жанчына стала ахвярай махляроў, якія выманілі ў яе 9,3 млн расійскіх рублёў (93 тысячы даляраў).
Махляры напужалі Святлану тым, што нібыта ад яе імя ажыццяўляецца фінансаванне Узброеных Сіл Украіны. У страху яна перадала кур'еру ўсе свае зберажэнні, пасля гэтага ўзяла некалькі крэдытаў і нават заклала кватэру на шасэ Энтузіястаў.
Махляры паабяцалі вярнуць грошы, калі Святлана падпаліць феерверк каля ёлкі на Краснай плошчы. Жанчына паверыла ў гэтыя абяцанні. Але марна: грошы ёй ніхто не вярнуў.
Заведзена крымінальная справа па артыкуле «Хуліганства». Святлана цяпер фігуруе ў расследаванні як падазраваная.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары