Сёння ў судзе Цэнтральнага раёна Мінска да двух гадоў «дамашняй хіміі» асудзілі 55-гадовую маці-адзіночку з Мінска Ірыну Сташкевіч.
Гэта яе чацвёрты суд па арт. 369 Крымінальнага кодэкса (абраза прадстаўніка ўлады): раней яе судзілі за «абразлівыя» каментарыі ў дачыненні да начальніка ГУБАЗіК Паршына, супрацоўніка Маладзечанскай інспекцыі Яўгена Калясеня, міліцыянта Віталя Куляшова.
Прычым пяць гадоў таму АНТ зняў сюжэт пра Ірыну Сташкевіч: жанчына аформіла апякунства над дачкой суседкі, якая памерла.
Гэты суд праходзіў у закрытым рэжыме, таму падрабязнасці справы невядомыя. Справу, як і другі раз, разглядаў суддзя Дзмітрый Карсюк.
У агульнай суме Ірыне прызначана 2,5 года «дамашняй хіміі».
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады4
Каментары