26-гадовага майстра з «Інтэграла» будуць судзіць за забойства сілавіка
Як стала вядома «Нашай Ніве», 17 мая ў Мінскім гарадскім судзе пачнуць судзіць мужчыну па рэдкім расстрэльным артыкуле 362 КК РБ — «Забойства супрацоўніка органаў унутраных спраў ці ваеннаслужачага». Што гэта за гісторыя і ці было забойства — няясна.
Абвінавачанага завуць Станіслаў Драздоў. Маладому чалавеку 26 гадоў, ён родам з Гомельскай вобласці. Знаёмыя кажуць, што прынамсі не так даўно ён працаваў майстрам на «Інтэграле».
Не ясна, што ён зрабіў — пра забойствы супрацоўнікаў МУС ці вайскоўцаў апошнім часам не паведамлялася.
Магчыма, яго будуць судзіць у рамках 14 артыкула КК — замах на злачынства. А ў інфармацыі суда гэтую рэмарку проста прапусцілі.
Адзін са сваякоў Драздова сказаў «Нашай Ніве», што той «нікога не забіваў, нават не дакранаўся да мундзіра». Абставіны здарэння пакуль невядомыя.
Сацыяльных сетак хлопец не вёў.
СК і МУС ніякай інфармацыі пра гэтую справу не давалі.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі10
Каментары