«У нас ёсць паведамленні ад украінцаў пра тое, што калі яны знаходзяць расійскую вайсковую тэхніку, яна запоўненая паўправаднікамі, якія вайскоўцы дасталі з пасудамыйных машын і халадзільнікаў», — сказала міністарка гандлю ЗША Джына Раймонда.
Раймонда адзначыла, што экспарт амерыканскіх тэхналогій у Расію ўпаў амаль на 70 працэнтаў з моманту ўвядзення санкцый у канцы лютага.
Паводле слоў міністаркі, чый дэпартамент кантралюе экспарт, які складае большую частку пакета санкцый, тры дзясяткі іншых краін прынялі аналагічныя забароны на экспарт, якія таксама распаўсюджваюцца і на Беларусь.
