14 мая ў Турыне адбудзецца фінал «Еўрабачання». Вывучаем, каму букмекеры і эксперты абяцаюць перамогу ў музычным конкурсе.
Пачнем з даных стрымінгавага сервісу Spotify — менавіта ён летась «прадказаў» перамогу італьянскага гурту Måneskin, бо ў перыяд з сакавіка па май 2021 года песня італьянцаў была найбольш папулярнай на сервісе сярод іншых твораў з «Еўрабачання».
У гэтым годзе Spotify таксама прапануе Італію як магчымага пераможцу, бо кампазіцыя Brividi ад італьянцаў Mahmood і BLANCO зноў самая папулярная сярод усіх песень сёлетняга конкурсу. Яе слухаюць у пяць разоў больш, чым песню, якая на другім месцы — Hold Me Closer шведскай канкурсанткі Карнэліі Джэйкабз. На трэцім месцы знаходзіцца трэк De Deipte ад нідэрландскай спявачкі S10.
Украіна — безумоўны фаварыт букмекераў
Тым не менш, букмекеры прытрымліваюцца іншага меркавання. Яны ставяць на першае месца канкурсантаў з Украіны — гурт Kalush Orchestra з песняй Stefania. Сярэдні каэфіцыент на перамогу ўкраінцаў — 1,3, а імавернасць гэтай перамогі — 59%.
Kalush Orchestra з Украіны. Фота: AP Photo/Luca Bruno.
На другім месцы з 11% шансам на перамогу знаходзіцца брытанец Сэм Райдэр і яго трэк Space Man, каэфіцыенты на перамогу — ад 6,5 да 8. На трэцяй пазіцыі Швецыя з каэфіцыентамі ад 7 да 11 і з 9% (згодна з букмекерамі) шансам на перамогу.
Але ж Італія адышла не так далёка — яна на чацвёртым месцы ў букмекераў з 6% шансаў на перамогу. Нарэшце, на пятай пазіцыі знаходзіцца іспанка Chanel з трэкам SloMo, імавернасць яе перамогі букмекеры ацэньваюць у 4%. Сярод іншых магчымых фаварытаў адзначаюць Польшчу, Грэцыю, Нідэрланды, Нарвегію, Сербію і Фінляндыю.
Цікава, што Італію лічылі галоўным фаварытам сёлетняга конкурсу яшчэ задоўга да яго правядзення. Але пасля пачатку вайны ва Украіне Італія саступіла сваё першае месца гэтай краіне, а сама апынулася нават па-за межамі прызавой тройкі.
Прадстаўніца Грэцыі Аманда Тэнф'ёрд. Фота: EBU / CORINE CUMMING.
Назавем і тых, у каго, па меркаваннях букмекераў, менш за ўсё шансаў на перамогу. На сёння гэта Румынія, Германія, Літва, Бельгія, Азербайджан, Швейцарыя і Ісландыя. Каэфіцыенты на перамогу гэтых краін дасягаюць 500.
Фінал «Еўрабачання» можна будзе пабачыць 14 мая а 22:00 у трансляцыі на афіцыйным ютуб-канале конкурса.
Каго слухаць на «Еўрабачанні»: суб’ектыўны топ-10 ад «Нашай Нівы»
Hasta la vista, baby. Згадваем самыя трэшовыя нумары Беларусі на «Еўрабачанні»
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары