Раман Бахарэвіча «Сабакі Эўропы» прызналі «экстрэмісцкім матэрыялам»
Пра гэта напісала праўладная газэта «СБ» у матэрыяле, прысвечаным ціску на краму «Кнігаўка» і выдаўца Андрэя Янушкевіча.
Раман беларускага пісьменніка Альгерда Бахарэвіча «Сабакі Эўропы» ўлады прызналі «экстрэмісцкім». Пра гэта сам пісьменнік, які жыве за мяжой, даведаўся з публікацыі ў дзяржаўнай газеце і паказаў яе фрагмент публікацыі ў Фэйсбуку.
Артыкул у газеце, падначаленай адміністрацыі Лукашэнкі, прысвечаны ператрусу ў новай мінскай кнігарні «Кнігаўка» на вуліцы Змітрака Бядулі, 6, куды напярэдадні прыйшлі прапагандысты Азаронак, Гладкая і Яскевіч. Яны задавалі ўладальніку Андрэю Янушкевічу правакацыйныя і здзеклівыя пытанні. Затым сілавікі затрымалі самога Янушкевіча і супрацоўніцу кнігарні Насту Карнацкую.
Пазней стала вядома, што Янушкевічу прысудзілі 10 сутак арышту. Акрамя таго, яны канфіскавалі ў яго 200 кніг, па 15 выданнях будзе «праведзена экспертыза».
Як адзначыла «СБ» у сваёй публікацыі, першы наклад «Сабак Эўропы», надрукаваны на замову выдавецтва «Янушкевіч» у Літве, арыштавалі беларускія службы на мяжы. Пазней раман прызналі «экстрэмісцкім матэрыялам». У ім дзяржаўная экспертыза нібыта знайшла «распальванне сацыяльнай, палітычнай і ідэалагічнай варажнечы», а таксама «заклікі да масавых беспарадкаў дзеля незаконнага захопу ўлады».
«Сабакі Эўропы» — раман Альгерда Бахарэвіча, выдадзены ў 2017 годзе ў выдавецтве «Логвінаў». Раман складаецца з шасці вялікіх гісторый, сплеценых у адну. У 2018 годзе кніга заняла 2 месца Прэміі Гедройца, што паслужыла прычынай заснавання альтэрнатыўнай Чытацкай прэміі для рамана «Сабакі Эўропы». Паводле рамана «Свабодны тэатр» стварыў спектакль, у сакавіку 2022-га ў Лондане адбылася яго сусветная прэм'ера, нагадвае «Радыё Свабода».
У кнігарню «Кнігаўка» прыйшлі з ператрусам
Выдаўцу Андрэю Янушкевічу далі 10 сутак
-
Максім Знак апублікаваў свае музычныя запісы на стрымінгах
-
Калі ў 1979‑м «Каласы пад сярпом тваім» выйшлі па-руску накладам 100 тысяч асобнікаў, імі гандлявалі мінскія таксісты. Настолькі папулярны быў Караткевіч
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»14
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары