Барыс Бондараў, дарадца прадстаўніцтва Расіі пры ААН у Жэневе, размясціў свой зварот у сацыяльных сетках.
«Развязаная Пуціным агрэсіўная вайна з Украінай, а фактычна з усім заходнім светам, — не толькі злачынства супраць украінскага народа, але і, мабыць, самае цяжкае злачынства супраць народа Расіі», — гаворыцца ў паведамленні, апублікаваным на старонцы Барыса Бондарава ў Фэйсбуку.
«Тыя, хто задумаў гэтую вайну, хочуць толькі аднаго — застацца ва ўладзе назаўжды, жыць у пампезных безгустоўных палацах, плаваць на яхтах, па танажы і кошце параўнальных з усім ваенна-марскім флотам Расіі, атрымліваючы асалоду ад неабмежаванай улады і поўнай беспакаранасці. Дзеля гэтага яны гатовыя прынесці ў ахвяру мноства жыццяў», — сказана далей.
Аўтар паведамлення дадаў, што міністр Лаўроў — «добрая ілюстрацыя дэградацыі гэтай сістэмы»: «За 18 гадоў ён прайшоў шлях ад прафесіянала і адукаванага інтэлектуала… да чалавека, які пагражае свету (гэта значыць і Расіі таксама) ядзернай зброяй!»
«Сёння МЗС не займаецца дыпламатыяй. Ён сее няпраўду, распальвае нянавісць і вайну», — лічыць аўтар допісу. Працяг працы на дзяржслужбе і падтрымку «пагібельнага палітычнага курсу» ён назваў здрадай Расіі.
Афіцыйнага пацвярджэння аб звальненні Бондарава пакуль няма.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары