Украінскі канал «Труха» паведамляе, што ім удалося заняць некалькі вуліц горада Лімана, які знаходзіцца на дарозе да Славянска і ў тыле Севераданецка. У сваю чаргу, расійскі канал «Рыбарь» паведамляе, што расійскія часці выйшлі да Залатога на поўдзень ад Лісічанска.
Павольны наступ расіян на Данбасе працягваецца, яны па-ранейшаму маюць там вялікую перавагу ў паветры і ў артылерыі. Але гэты наступ нашмат маруднейшы, чым Масква планавала. Украінцы ўпарта трымаюць кожны малы ці большы горад.
Ліман — апошні горад на шляху да Славянска з паўночнага ўсходу. У сваю чаргу, Славянск — важны вузел камунікацый на подступах да Краматорска, адміністратыўнага цэнтра Данецкай вобласці.
Штурм Славянска, Краматорска і гары Карачун будзе для расіян не лягчэйшы за аблогу Марыупаля.
Спадарожнікавы здымак дае ўяўленне пра маштабнасць баявых сутыкненняў на тэрыторыі горада Лімана. Чырвонае — месцы пажараў.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»7
Каментары