Сусветная арганізацыя аховы здароўя не рэкамендуе ў назвах выкарыстоўваць назвы рэгіёнаў або жывёл.
Гендырэктар Сусветнай арганізацыі аховы здароўя (СААЗ) Тэдрас Аданам Гебрэісус заявіў пра намер змяніць назву віруса воспы малпаў, яго разнавіднасці і выкліканую ім хваробу.
У СААЗ растлумачылі, што назва захворвання не адпавядае рэкамендацыям арганізацыі, згодна з якімі ў назвах лепш не выкарыстоўваць назвы рэгіёнаў і жывёл.
Па словах прадстаўніка арганізацыі, пры называнні хвароб трэба пазбягаць магчымасці абразіць якія-небудзь «культурныя, сацыяльныя, нацыянальныя, рэгіянальныя, прафесійныя або этнічныя групы».
Раней з патрабаваннем перайменаваць захворванне выступіла група навукоўцаў. Яны сказалі, што наратыў «дыскрымінуе» і «стыгматызуе» тое, што гэты вірус звязаны з Афрыкай. Па іх словах, усё больш фактаў паказвае на тое, што вірус непрыкметна распаўсюджваўся ад чалавека да чалавека на працягу доўгага часу, аднак у СМІ працягваюць спрабаваць звязаць цяперашнюю ўспышку з афрыканскімі краінамі. Акрамя таго, у медыя рэгулярна ілюструюць артыкулы пра ўспышку захворвання ў Еўропе фатаграфіямі афрыканскіх пацыентаў.
У Беларусі ёсць свая тэст-сістэма для дыягностыкі воспы малпаў
Як пасля канца свету. Аграсядзібу ў Салігорскім раёне занесла зямлёй3
Каментары