Дырэктар РНПЦ эпідэміялогіі і мікрабіялогіі Уладзімір Гарбуноў расказаў сёння журналістам, што ў яго ведамстве некалькі гадоў таму была распрацаваная тэхналогія стварэння тэст-сістэм для дыягностыкі розных інфекцыйных захворванняў. Цяпер такая тэхналогія створаная і для лабараторнай дыягностыкі воспы малпаў.
Паводле Гарбунова, гэта стандартная ПЛР-тэхналогія, якая ўключае ў сябе некалькі этапаў.
«Думаю, дыягностыку пачнём рабіць у нашым цэнтры, ён створаны пад асабліва небяспечныя інфекцыі, у нас ёсць усе магчымасці для гэтага. Па крытэрыі СААЗ, воспа малпаў адносіцца да 3-й групы біярызыкі. Нашы крытэрыі больш жорсткія, так што ў нас — да 4-й групы. Гэта значыць, трэба працаваць у самых жорсткіх умовах бяспекі», — сказаў Уладзімір Гарбуноў.
Тэст-сістэма працуе даволі хутка, вынікі дыягностыкі будуць вядомыя на працягу некалькіх гадзін пасля паступлення біяматэрыялу. Зрэшты, Гарбуноў упэўнены, што шырокага прымянення гэтая тэст-сістэма не знойдзе, бо ён не думае, што воспа малпаў надта ў нас распаўсюдзіцца.
Што да магчымай вакцынацыі, то, паводле спецыяліста, «вірус малпінай воспы роднасны вірусу натуральнай воспы. Асобы, якія былі вакцынаваныя ад яе, маюць імунітэт. Хто нарадзіўся да 1980-х — у гэтым дачыненні шчасліўчык».
Але пры неабходнасці Мінздароўя зможа хутка пачаць вакцынацыю, вакцына ад воспы малпаў існуе.
Ва Украіне загінула 24-гадовая беларуская добраахвотніца Марыя Зайцава20
Каментары