Вярхоўная Рада Украіны падтрымала забарону на ўвоз кніг з Расіі і Беларусі
Вярхоўная Рада падтрымала забарону на імпарт і распаўсюджванне кніг і іншай выдавецкай прадукцыі з Расіі, Беларусі і акупаваных Расіяй тэрыторый Украіны, паведаміў народны дэпутат Яраслаў Жалязняк у сваім телеграм-канале. «За» выказаліся 306 дэпутатаў.
У тлумачальнай запісцы, апублікаванай на сайце Рады, гаворыцца, што ва ўмовах узброенай агрэсіі Расіі Украіна абавязаная абараніць сваю культурна-інфармацыйную прастору ад расійскай прапаганды і негатыўнага ўплыву Расіі.
«У прыватнасці, гэта тычыцца сферы ўкраінскага кнігавыдання і кнігараспаўсюду, на абарону якой ад уплываў «рускага свету» накіраваны гэты законапраект», — адзначаюць аўтары.
Для ўвозу выданняў, выдадзеных на рускай мове, з іншых краін, трэба будзе атрымліваць адмысловы дазвол. Забараняецца выпуск, увоз, распаўсюд ва Украіне кніжных выданняў, якія змяшчаюць творы аўтараў — грамадзян Расіі.
Забарона не будзе распаўсюджвацца на кнігі, выдадзеныя ва Украіне да 1 студзеня 2023 года.
Прапагандысты запэўніваюць, што 196 палітвязняў ужо на свабодзе9
Каментары