«Гэта сапраўды няўдзячная праца». Міхаіл Падаляк патлумачыў ролю Аляксея Арастовіча ў камандзе прэзідэнта Украіны
Дарадца кіраўніка АП Міхаіл Падаляк заявіў, што функцыя Аляксея Арастовіча ў камандзе прэзідэнта Украіны — тлумачыць псіхалогію вайны.
«Распавядае пра тое, чаму вайна ‒ гэта цяжкі працэс, і ў той жа час спрабуе даць надзею, што мы з гэтым справімся. Гэта сапраўды няўдзячная праца, трэба падбіраць правільную танальнасць і часам даводзіцца гуляць у скажэнні. Калі вайну паказваць бруднай — такой, якая яна на самай справе, гэта вельмі хутка дэмаралізуе грамадства, а дэмаралізаванае грамадства пачынае значна больш інэртна супраціўляцца», — распавядае Падаляк у інтэрвʼю выданню «Бабель».
Са слоў дарадцы кіраўніка ОП, функцыя Арастовіча ў тым, каб «паказваць вайну на мяжы, каб не было дэмаралізацыі» ў грамадстве.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс13
Каментары