Расія атрымала запрашэнне прыняць удзел у саміце G20, і ўдзел прэзідэнта Уладзіміра Пуціна «мяркуецца». Пра гэта паведаміў памочнік Пуціна Юрый Ушакоў, піша РБК.
«Так, мы пацвердзілі, што наш удзел мяркуецца. Мы адказалі станоўча, мы адказалі, што зацікаўленыя прыняць удзел», — сказаў Ушакоў.
Наступны саміт 20 найбуйнейшых прамыслова развітых краін і краін, якія развіваюцца, пройдзе на інданезійскім востраве Балі 15-16 лістапада. Да гэтай групы адносіцца і Расія, таму асабісты ўдзел Пуціна ў саміце магчымы. Але пытанне, як да гэтага паставяцца іншыя ўдзельнікі сустрэчы.
У панядзелак канцлер Германіі Олаф Шольц заявіў, што прыме рашэнне бліжэй да даты, ці будзе ён удзельнічаць у саміце G20, калі прэзідэнт Расіі таксама прыме ў ім удзел. Раней паведамлялася, што некаторыя краіны могуць адмовіцца ад удзелу ў саміце, калі на яго прыедзе Пуцін.
Разам з тым, на гэты саміт сёлета запрасілі прэзідэнта Украіны Уладзіміра Зяленскага.
Цяпер чытаюць
«Каб купіць дом, працавала на нарказаводзе». Пасля 2020-га беларуска з пяццю дзецьмі пераехала ў Канаду14
Каментары