«У найбліжэйшыя дні мы ўвойдзем туды [у сектар Газа] з усёй сілай, каб завершыць кампанію», — пацвердзіў Нетаньяху.
Ізраільская армія абвясціла пра пачатак новай фазы ваеннай аперацыі ў сектары Газа пад назвай «Гідэонавые калясніцы».
«ЦАХАЛ у апошнія дні пачаў маштабныя ўдары і мабілізацыю войскаў, каб усталяваць кантроль над тэрыторыямі ў Газе», — гаворыцца ў заяве арміі Ізраіля.
Па дадзеных ізраільскіх ваенных, за мінулыя суткі былі атакаваны больш за 150 «тэрарыстычных цэляў» па ўсім сектары. У той жа час крыніцы ў Газе паведамляюць пра моцныя выбухі і артабстрэлы ў раёне горада Газа. Па інфармацыі падкантрольнага ХАМАС упраўлення грамадзянскай абароны, толькі напярэдадні ў выніку ўдараў загінулі не менш за сто чалавек.
Наступленне ЦАХАЛ пачалося неўзабаве пасля завяршэння візіту прэзідэнта ЗША Дональда Трампа па краінах Персідскага заліва. Ізраільскія СМІ паведамляюць, што прэм'ер-міністр Біньямін Нетаньяху меў намер пашырыць ваенную аперацыю адразу пасля ад'езду амерыканскага лідара, калі новае пагадненне з ХАМАС не будзе дасягнута.
«У найбліжэйшыя дні мы ўвойдзем туды [у сектар Газа] з усёй сілай, каб завершыць кампанію», — пацвердзіў Нетаньяху.
Па яго словах, Ізраіль не спыніць вайну нават у выпадку прапанаванага ХАМАС вызвалення астатніх закладнікаў: магчымы толькі кароткатэрміновы перапынак, але не поўнае заканчэнне баявых дзеянняў. На фоне эскалацыі гуманітарныя арганізацыі і ААН папярэджваюць пра растучую пагрозу голаду ў Газе, піша Bild.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары