Паліцыя Славеніі расследуе знікненне бронзавай статуі першай лэдзі ЗША Меланіі Трамп. Скульптура ў натуральную велічыню была ўсталяваная ў 2020 годзе падчас першага прэзідэнцкага тэрміну Дональда Трампа недалёка ад горада Сеўніца ў цэнтральнай Славеніі, дзе ў 1970 годзе нарадзілася Меланія, якая ў дзявоцтве мела прозвішча Кнаўс, піша Euronews.
Бронзавая статуя ў свой час замяніла драўляную работы амерыканскага мастака Брэда Даўні, якая была спаленая невядомымі зламыснікамі раней у тым жа самым годзе.
Прэс-сакратарка мясцовай паліцыі Аленка Дрэнік Рангус паведаміла ў пятніцу, што паліцыя была праінфармаваная пра крадзеж статуі 13 мая. Яна сказала, што паліцыя працуе над пошукам вінаватых.
Паводле паведамленняў славенскіх СМІ, бронзавая копія была адпілаваная каля шчыкалатак і знятая з пастаменту.
Першая фігура Меланіі Трамп была выразаная з ствала ліпы, Яна была выяўленая ў бледна-блакітнай сукенцы, падобнай на тую, у якой жанчына была на інаўгурацыі Трампа ў 2017 годзе. У бронзавай статуі не было відавочнага падабенства з першай лэдзі, але побач з ёй ёсць таблічка, якая абвяшчае, што яна «прысвечана вечнай памяці помніка Меланіі, які стаяў на гэтым месцы».
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары