У Расіі грамадзяніна Аўстраліі асудзілі на 13 гадоў турмы за ўдзел у вайне на баку Украіны
У акупаваным Расіяй Луганску суд прыгаварыў 33-гадовага аўстралійца Оскара Джэнкінса да 13 гадоў калоніі строгага рэжыму. Паводле сцвярджэння расійскіх уладаў, ён ваяваў на баку ўкраінскай арміі як наёмнік.
На відэазапісах, апублікаваных расійскімі дзяржаўнымі СМІ, былы выкладчык біялогіі з Мельбурна паказаны ў шкляной клетцы для падсудных у момант абвяшчэння прысуду, піша Bild.
Масква традыцыйна лічыць замежных добраахвотнікаў, што ваююць за Украіну, не вайскоўцамі, а наёмнікамі. Таму на іх не распаўсюджваюцца палажэнні Жэнеўскай канвенцыі — супраць добраахвотнікаў распачынаюцца крымінальныя справы.
Улады Аўстраліі неаднаразова патрабавалі вызвалення Джэнкінса. Яго лёс доўгі час заставаўся невядомым — толькі цяпер, падчас судовага працэсу, з’явіліся пацверджанні, што ён жывы.
Міністр замежных спраў Аўстраліі Пені Вонг заявіла, што ўрад краіны «ў шоку ад фіктыўнага судовага працэсу і 13-гадовага тэрміну зняволення».
«Джэнкінсу павінна быць забяспечаная абарона, якая прадугледжваецца для ваеннапалоннага. Расія абавязана абыходзіцца з ім у адпаведнасці з міжнародным гуманітарным правам, уключаючы гуманнае абыходжанне», — дадала яна.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі65
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары