Новая Баравая працягвае пашыраць свае межы. Цяпер там будуюць авіяквартал, у якім праекціроўшчыкі абяцаюць спалучыць тэму неба, палётаў і мастацтва.
Кампанія «А-100 Дэвелапмент» абвясціла аб старце продажу кватэр у першым доме ў новым жылым квартале, што размясціўся на месцы былога Музея авіяцыйнай тэхнікі ў Новай Баравой, які раней пераехаў у Ліпкі.
Па словах забудоўшчыка, архітэктары пры распрацоўцы новага кварталу натхняліся тэмай неба і палётаў.
Пяць груп дамоў, кожная з двух будынкаў, утвараюць трохвугольнікі, якія нагадваюць крылы самалётаў. Назвы груп — «Паветраны паток», «Хмарны атлас», «Месячнае святло», «Сонечны блік» і «Касмічны шлях» — падкрэсліваюць тэматыку.
Авіяквартал размясціўся паміж двума транспартнымі кольцамі, суседнічае з кварталам «Цэнтральны парк» і прымыкае да ляснога масіву. Адзначаецца, што дамы спраектаваны з улікам захавання буйных дрэў, што стварае гармонію паміж прыродай і гарадскім асяроддзем.
Забудоўшчык адзначае, што Авіяквартал спраектаваны па прынцыпе smart+social, які прымяняецца ў Новай Баравой і прадугледжвае развітую сацыяльную інфраструктуру і ўвагу да дэталяў, якія ствараюць камфорт для жыхароў.
Па перыметры квартала з'явяцца паркінгі, супермаркет і камерцыйныя аб'екты, у тым ліку кафэ і крамы, што забяспечыць зручнасць для жыхароў. Двары будуць закрытымі і вольнымі ад аўтамабіляў.
Праз увесь квартал уздоўж зялёнай зоны пройдзе сцежка для пешых прагулак, а пасярэдзіне размесціцца ландшафтна-рэкрэацыйная зона з дзіцячай пляцоўкай у авіяцыйным стылі «Прапелер», спартыўнай пляцоўкай, павільён с кафейняй. Асобна прадугледжана пляцоўка для выгулу сабак.
Будаўніцтва пачынаецца з дому ў групе «Паветраны паток». Гэта чатырохпад'езны будынак са зборнага жалезабетону вышынёй ад 6 да 9 паверхаў, разлічаны на 117 кватэр. У кватэрах, прадугледжаны разнастайныя планіроўкі ад 41 да 108 м² з асобнымі гардэробнымі, пакоямі для заняткаў хобі, зашклёнымі лоджыямі. На першым паверсе прапануюцца кватэры з асабістымі тэрасамі.
Забудоўшчык абяцае, што ў двары «Паветранага патоку» будзе дзіцячая зона з арэлямі, пляцоўка з навесам для правядзення сустрэч, зона вулічнага офіса, дзве невялікія зоны ціхага адпачынку і міні-агародзікі.
Пад'езды дома з безбар'ерным уваходам, калясачнымі і лапамыйкамі, у дэкоры выкарыстаны элементы ў стылі арыгамі.
Продажы ўжо стартавалі, кошт пачынаецца ад $1320 за м² у эквіваленце, а мінімальны кошт кватэры складае $76,8 тысячы па курсе. Здача дома запланавана на IV квартал 2026 года. Трох– і чатырохпакаёвыя кватэры прадаюцца разам з машынамесцамі ў паркінгу.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах40
Каментары