Нерухомасць

У доме для партыйнай эліты ў цэнтры Мінска прадаюць кватэру Прытыцкага. Як там усярэдзіне і што па кошце?

У «доме шасці прэмʼераў» каля плошчы Перамогі на продаж выставілі кватэру за 890 тысяч долараў. У ёй мэбля і тэхніка прэміяльных брэндаў, а таксама скульптура з калонамі. А яшчэ некалі ў ёй жыў Сяргей Прытыцкі, піша realt.by. Вось як яна выглядае знутры.

Пяціпавярховы цагляны дом 1967 года пабудовы знаходзіцца на завулку Бранявым, 4. У ім жылі шэсць былых старшыняў Савета міністраў БССР: Мікалай Аўхімовіч, Ціхан Кісялёў, Аляксандр Аксёнаў, Уладзімір Бровікаў, Міхаіл Кавалёў і Вячаслаў Кебіч. Жылі тут і іншыя партыйныя босы БССР.

Выстаўленая на продаж кватэра знаходзіцца на другім паверсе і мае плошчу 160 квадратных метраў, з іх 93 метры — жылая. Яна некалі належала старшыні Прэзідыума Вярхоўнага Савета БССР Сяргею Прытыцкаму, у гонар якога названая вуліца ў Мінску і не толькі.

Кругласутачная ахова і відэаназіранне ёсць як вакол дома, так і на тэрыторыі двара.

«Вельмі ціхі і спакойны двор, заўсёды ёсць месца для паркоўкі», — гаворыцца ў паведамленні.

У падʼездзе ўсяго 8 кватэр.

У кватэры, што прадаюць, — новы дызайнерскі рамонт. У аздабленні «выкарыстаныя самыя дарагія матэрыялы, такія як натуральны мармур, онікс, паркет».

Вітальня займае 35 квадратных метраў. У ёй размешчаныя шафа-купэ і скульптура з калонамі.

Гасцёўня займае 33 квадратныя метры. Тут ёсць як зона адпачынку, так і працоўная прастора.

Уся мэбля ў вітальні — італьянская Carpanelli з 19 відамі дрэва, узорамі і эмаллю з жэмчугу.

Спальня займае 27 квадратных метраў. Там ёсць гардэробная, уваход у асабісты ванны пакой і на лоджыю.

Уся мэбля спальні — італьянскай фабрыкі Cappellini з пазалотай.

Кухня — 21 квадратны метр. Гарнітур — італьянскай фабрыкі MEGAROS. Матэрыял кухні — масіў вішні, уключаючы ўнутраныя паліцы. Аздабленне выканана пазалотай.

Уся кухня абсталяваная нямецкай бытавой тэхнікай AEG.

Дзіцячы пакой займае 17 квадратных метраў. Інтэрʼер у ім ужо прасцей.

У кватэры два санвузлы. Ёсць балкон і лоджыя.

За кватэру просяць 890 тысяч даляраў (5549 за метр). Магчымы гандаль.

Каментары

Цяпер чытаюць

У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента20

У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента

Усе навіны →
Усе навіны

У пятніцу ў Беларусі было +28°С

Многім беларусам за мяжой пастаянна сніцца гэты кашмар. Што рабіць?13

Трамп сказаў, што добра ідуць перамовы з Кітаем3

Памёр Фёдар Жыляк

Трамп: ЗША адмовяцца ад удзелу ў перамовах, калі Расія ці Украіна сарвуць здзелку14

Сілавікі злавілі 20-гадовую мінчанку, якая вяла эратычныя стрымы з прымерачных у крамах20

На Камароўцы перад Вялікаднем гандлююць шалупіннем ад цыбулі ФОТАФАКТ6

У цэнтры Мінска кіроўца збіў на «зебры» раварыста ВІДЭА8

Бачыш зайчаня? Не падбірай!1

больш чытаных навін
больш лайканых навін

У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента20

У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента

Галоўнае
Усе навіны →

Заўвага:

 

 

 

 

Закрыць Паведаміць