З канца чэрвеня Украіна знішчыла 14 ваенных баз і складаў узбраення ў тыле расійскіх войскаў
За апошнія два тыдні (з канца чэрвеня па пачатак ліпеня) карэспандэнты BBC News Украіна налічылі каля дзясятка дакладных удараў па складах боепрыпасаў і вайсковых базах расійскіх войскаў на захопленых украінскіх тэрыторыях.
Такія падлікі прыводзіць BBC News Украіна.
Гаворка ідзе аб ударах па складах і базах у «глыбокім тыле» расійскіх войскаў — за 5-75 кіламетраў ад фронту, адзначаюць журналісты. Сярод такіх выпадкаў выданне называе:
— удары па інфраструктуры Узброеных сіл РФ у Новай Кахоўцы (Херсонская вобласць) і складзе боепрыпасаў у Перавальску (Луганская вобласць), 28 чэрвеня;
— удар па складзе боепрыпасаў у Папаснай (Луганская вобласць), 2 ліпеня;
— удары па дзвюх ваенных базах у Мелітопалі (Запарожская вобласць), 3 ліпеня;
— выбух на базе ў Сняжным (Данецкая вобласць), 4 ліпеня;
— выбух на базе ў «Камаз-цэнтры» ў Данецку і на складзе ў Кадзіеўцы (Луганская вобласць), 5 ліпеня;
— выбухі на базах і складзе ў Вялікім Бурлуку (Харкаўская вобласць), Макееўцы (Данецкая вобласць) і Херсоне, 6 ліпеня;
— удар па нафтабазе ў Данецку, 7 ліпеня;
— выбухі на складах у Шахцёрскім (Данецкая вобласць) і Новай Кахоўцы (Херсонская вобласць, 8 ліпеня.
Інфармацыю і відэа ўдараў журналісты «Бі-бі-сі» сабралі па адкрытых крыніцах — ролікі відавочцаў, паведамленні ваенных карэспандэнтаў, блогераў і мясцовых чыноўнікаў. Некаторыя выпадкі выбухаў пацвердзіла ўпраўленне стратэгічных камунікацый Узброеных сіл Украіны.
Генштаб УСУ і Мінабароны РФ афіцыйна гэтыя выпадкі не каментавалі.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»15
Каментары