Грамадства55

Праваабаронцы паведамляюць пра масавыя затрыманні з удзелам КДБ у Гродзенскай вобласці

Праваабаронцы пішуць, што 14 лістапада яны атрымліваюць мноства паведамленняў пра затрыманні ў Гродзенскай вобласці. У аблаве ўдзельнічаюць супрацоўнікі КДБ, паведамляе тэлеграм-канал «Суды, затрыманні. Гродна і вобласць».

Колькасць затрыманых, прычыны візітаў сілавікоў, іншыя акалічнасці сённяшніх затрыманняў невядомыя.

Нядаўна праваабаронцы паведамлялі аб масавай «зачыстцы» ў Смаргоні і Слоніме — там затрыманыя каля 50 чалавек, а таксама ў Навагрудку. 

Чарговая хваля масавых затрыманняў у Беларусі пачалася 31 кастрычніка і працягваецца да гэтага часу. 

Паводле інфармацыі «Нашай Нівы», частка затрыманняў звязана з тым, што 29 кастрычніка КДБ прызнаў «экстрэмісцкім фармаваннем» кааліцыю дваровых чатаў. 

Падобна, што ў той жа час ГУБАЗіК «адпрацаваў» некалькі прадпрыемстваў і раёнаў у рэгіёнах. Ён дзейнічаў па ўласным плане, паралельна.

ГУБАЗіК пераважна прыходзіў да людзей, якія траплялі пад увагу сілавікоў раней. Гэта адпавядае логіцы аперацыі па перадвыбарчым застрашванні насельніцтва, пра якую «Наша Ніва» паведамляла раней.

Аблаву 31 кастрычніка — 1 лістапада па маштабе можна параўнаць з арыштамі сваякоў палітвязняў і людзей, якія ім дапамагалі, зімой 2024-га.

Вядома, што ізалятары часовага ўтрымання ў рэгіёнах і Акрэсціна ў Мінску перапоўненыя. 

«Нахапалі кучу народу. У двух– і трохмесных камерах — па 15—20 чалавек», — расказвае чалавек, які вызваліўся нядаўна.

Калі вы ведаеце пра тое, што здарылася, больш, пішыце рэдактару «Нашай Нівы» ў ТГ ці на nivanasha@proton.me. Або любому рэдактару ці журналісту «Нашай Нівы», якога ведаеце асабіста. 

Каментары5

  • віктась
    14.11.2024
    у малых гарадах усе пра усіх ведаюць, і знайсці "апазіцыянера" не цяжка. у тым ваўкавыску тых хто засьвяціўся ў маршах звальнялі, ці паніжалі у пасадах яшчэ у мінулых роках
    • Усе ўсё ведаюць
      14.11.2024
      віктась, гэта працуе ў абодва бакі: у малых гарадах усе пра усіх ведаюць, хто затрымліваў, хто судзіў (незаконна), хто іх жонкі, дзеці, бацькі... Усё ведаюць і запамінаюць.
    • даведка
      15.11.2024
      Я слышал историю годичной давности в тех краях, когда молодого экс-заместителя начальника РОВД по кадрам и идеологии на пенсии, а ныне ответственного чиновника и начальника структурного подразделения в райисполкоме, сыны которого продолжают его дело в милиции, показательно у всех на глазах брутально вывели с банкета в честь дня советской милиции, а ныне дня чествования ветеранов органов МВД и ВВ РБ, за экстремистские подписки, которому всё простили, а его жену (председателя профсоюза крупного завода) посадили на 5 лет делегатом Всебелорусского народного собрания.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Крэмль назваў уступленне Украіны ў Еўрасаюз яе суверэнным правам

Крэмль назваў уступленне Украіны ў Еўрасаюз яе суверэнным правам

Усе навіны →
Усе навіны

Зламыснікі стварылі фэйкавыя боты «Нашай Нівы» — не вядзіцеся!6

Беларус паспрабаваў атрымаць грамадзянства Украіны, бо ягоныя продкі ў 1918 годзе нібыта жылі ва УНР1

У Беларусі пачалі прадаваць седан «бізнэс-класу» ад Lada, на які спрабавалі перасадзіць расійскіх чыноўнікаў. Што за ён і колькі каштуе10

Знойдзеныя пад Смалявічамі абломкі сапраўды аказаліся метэарытнымі

Пажар на Чарнобыльскай АЭС дагэтуль не патушылі4

Ватыкан паведаміў пра складаную клінічную сітуацыю са здароўем Папы Францішка

24-гадовая дзяўчына з Барысава патанула ў ванне5

Агент Дудкін расказаў, як даваў КДБ справаздачы пра Латушку і магілёўскіх студэнтаў25

Украіна нічога не ведала пра перамовы ў Саудаўскай Аравіі і не будзе іх прызнаваць11

больш чытаных навін
больш лайканых навін

Крэмль назваў уступленне Украіны ў Еўрасаюз яе суверэнным правам

Крэмль назваў уступленне Украіны ў Еўрасаюз яе суверэнным правам

Галоўнае
Усе навіны →

Заўвага:

 

 

 

 

Закрыць Паведаміць