Удзельніку акцыі пратэсту 2020 года прысудзілі 4,5 года «хіміі»
Суд Савецкага раёна Мінска вынес прысуд жыхару сталіцы Арцёму Закржэўскаму, абвінаваціўшы яго ў арганізацыі і падрыхтоўцы дзеянняў, якія груба парушаюць грамадскі парадак, а таксама ў хуліганстве (ч.3 арт. 339 Крымінальнага кодэкса), піша «Вясна».
Па матэрыялах абвінавачання, у ноч з 9 на 10 жніўня 2020 года ў Мінску 20-гадовы Арцём падчас «несанкцыянаванага масавага мерапрыемства» выходзіў на праезную частку аднаго з праспектаў, блакаваў рух грамадскага транспарту, выкрыкваў лозунгі, не падпарадкоўваўся патрабаваннямі прадстаўнікоў улады.
Акрамя таго, увечары 1 студзеня 2022 года ён нібыта беспадстаўна ўжыў гвалт у дачыненні да іншага мужчыны.
У выніку суддзя Алена Жуковіч прызначыла Арцёму абмежаванне волі з накіраваннем у папраўчую ўстанову адкрытага тыпу на тэрмін 4 гады 6 месяцаў.
Каментары