Вядомы расійскі палітык і бізнэсмен Анатоль Чубайс патрапіў у адну з еўрапейскіх клінік з дыягназам сіндром Гіена — Барэ. Яго стан ацэньваецца як сярэдняй цяжкасці, паведаміла ў тэлеграме Ксенія Сабчак.
Па словах Сабчак, Чубайсу раптоўна стала дрэнна, у яго сталі адымацца рукі і ногі.
Сіндром Гіена — Барэ — гэта дастаткова рэдкі стан арганізма, пры якім імунная сістэма чалавека б'е па ўласных перыферычных нервах.
66-гадовы Чубайс з'яўляўся адным з нямногіх эканамічных рэфарматараў 1990-х гадоў, якія да 2022 года заставаліся ва ўрадзе Пуціна і падтрымлівалі цесныя сувязі з заходнімі чыноўнікамі. Ён з'ехаў з Расіі пры канцы сакавіка, праз месяц пасля пачатку вайны.
Натуральным чынам узнікаюць версіі, што Чубайса маглі атруціць. Пакой, дзе знаходзіўся палітык, калі адчуў сябе дрэнна, абследавалі спецыялісты ў касцюмах хімічнай абароны. А супрацоўнікі паліцыі апытвалі ўсіх сведак, паведамляе тэлеграм-канал «Осторожно, новости», які належыць Ксеніі Сабчак.
Сімптомы сіндрома Гіена — Барэ, папярэдне дыягнаставаныя ў Чубайса, вельмі падобныя на сімптомы атручвання.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары