Новы кіраўнік брытанскай дыпламатычнай місіі ўжо ведае два беларускія словы
Часовы павераны ў справах Вялікабрытаніі ў Беларусі Уільям Лонгхёрст, які прыступіў да працы ў канцы ліпеня, запісаў відэазварот да беларусаў.
У сваім звароце дыпламат падзякаваў жыхарам краіны за цёплы прыём, добрыя пажаданні і парады пра тое, што варта паглядзець і паспрабаваць у Беларусі. Паводле яго слоў, ён атрымаў значна больш водгукаў, чым чакаў, і лічыць гэта сведчаннем гасціннасці беларусаў.
Лонгхёрст таксама паспрабаваў звярнуцца да гледачоў па-беларуску. Ён з усмешкай прызнаўся, што пакуль ведае толькі два словы — «прывітанне» і «дзякуй».
Дыпламат пажартаваў, што дзякуючы атрыманым парадам у яго ўжо назбіралася цэлая праграма на тры гады знаходжання ў Беларусі.
Уільям Джэсі Лонгхёрст — дыпламат з больш чым трыццацігадовым стажам працы.
Ён пачаў дыпламатычную кар’еру ў 1990 годзе, далучыўшыся да брытанскага Міністэрства замежных спраў і спраў Садружнасці. Спачатку працаваў памочнікам супрацоўніка аддзела эканамічных адносін.
У 1992—1995 гадах служыў у пасольстве Вялікабрытаніі ў Сеуле: быў трэцім сакратаром па эканамічных пытаннях, а пасля — другім сакратаром па палітычных пытаннях і інфармацыі. У 1995—1998 гадах працаваў першым сакратаром па камерцыйных пытаннях у брытанскім пасольстве ў Токіа.
У 1998—2001 гадах узначальваў аддзел экспарту ў Японію ў Міністэрстве гандлю і прамысловасці Вялікабрытаніі. З 2001 па 2006 год займаў пасаду першага сакратара ў Пастаянным прадстаўніцтве Вялікабрытаніі пры ААН у Нью-Ёрку, дзе адказваў за фінансавыя пытанні і рэформу кіравання.
У 2006—2007 гадах праходзіў поўны курс вывучэння сербскай мовы, пасля чаго ў 2007—2011 гадах быў намеснікам кіраўніка дыпламатычнай місіі і генеральным консулам Вялікабрытаніі ў Бялградзе.
У 2011—2013 гадах займаў пасаду намесніка кіраўніка дэпартамента АСЕАН у Міністэрстве замежных спраў. У 2014—2018 гадах быў Надзвычайным і Паўнамоцным Паслом Вялікабрытаніі ў Каралеўстве Камбоджа.
У 2018 годзе ўзначальваў кірунак Global Britain Task Force (Працоўная група «Глабальная Брытанія») у брытанскім МЗС. У 2019 годзе праходзіў інтэнсіўную моўную падрыхтоўку па нямецкай мове, пасля чаго ў 2019—2024 гадах займаў пасаду намесніка кіраўніка місіі і генеральнага консула Вялікабрытаніі ў Швейцарыі і Ліхтэнштэйне.
У 2024—2026 гадах праходзіў поўную моўную падрыхтоўку па рускай мове ў Міністэрстве замежных спраў, па справах Садружнасці і развіцця Вялікабрытаніі.
Вялікабрытанія прызначыла новага часовага паверанага ў Беларусі
Пачаў працу ў Беларусі новы павераны ў справах Вялікабрытаніі
Італьянская амбасада ў Мінску зладзіла адкрытую вечарыну ў Пасольскім дворыку. Беларусы сталі ў чэргі
Нямецкая дыпламатка ў Мінску ў парку Янкі Купалы прачытала верш беларускага класіка
Алейнік абмеркаваў з часовым павераным Францыі перспектывы дыялогу з Парыжам
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў3
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары