З пітонам і Меладзэ. Як пры рэктары Казуліне ў БДУ адзначалі Новы год ШМАТ ФОТА
У інстаграме @backtobelarus з'явіўся настальгічны допіс пра навагодні карпаратыў Беларускага дзяржаўнага ўніверсітэта ў 2000 годзе. Для выкладчыкаў спявалі гурт Smokie і Валерый Меладзэ, таксама было вар'етэ і аголеныя мужчыны з гіганцкім пітонам.
Цэнтральнай зоркай свята быў тагачасны рэктар Аляксандр Казулін — на фота ён нібы персанаж Леанарда Ды Капрыа ў «Вялікім Гэтсбі».
У лічбавым архіве БДУ знайшліся фота з карпаратываў іншых гадоў, на якіх таксама было шмат чаго цікавага. Невядома, ці ладзіліся такія шыкоўныя святы да і пасля Казуліна, прынамсі, у архіве такіх звестак няма.
У 1999-м у Мінску выступалі Юрый Антонаў і Філіп Кіркораў.
Праз год на шыкоўнае свята запрасілі брытанскі гурт Smokie, спевака Валерыя Меладзэ і гумарыста Міхаіла Еўдакімава.
У 2001 годзе ў Мінск прыехаў эпатажны Валерый Лявонцьеў.
Аляксандр Казулін узначальваў галоўную ВНУ краіны з 1996 па 2003 год. Таксама некаторы час ён уваходзіў ва урад Беларусі ў якасці старшыні Рады рэктараў ВНУ Беларусі, члена Прэзідыума Нацыянальнай акадэміі навук.
У 2003 годзе страціў пасаду рэктара ў выніку скандала вакол прадпрыемства «Унідрагмет БДУ», адкуль скралі амаль 35 тон золата.
Праз тры гады быў кандыдатам у прэзідэнты Беларусі, пасля выбараў быў затрыманы і асуджаны на 5,5 года. У 2008-м быў памілаваны ўказам Лукашэнкі.
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»4
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары