Навукоўцы высветлілі, колькі гадоў старым дубам ля гродзенскага Новага замка
Аднаму з дрэў 129 гадоў, а другому — 151, паведамляюць на сайце Гродзенскага гісторыка-археалагічнага музея, піша Budzma.by.
Навуковыя супрацоўнікі Інстытута эксперыментальнай батанікі імя Васіля Купрэвіча Нацыянальнай акадэміі навук Беларусі правялі ацэнку стану раслін на тэрыторыі гродзенскага Новага замка і вызначылі дакладны ўзрост дрэў. Аб’ектамі даследавання сталі два чарэшчатыя дубы на парадным двары перад будынкам палаца.
Высветлілася, што аднаму дубу 129 гадоў, а другому — 151. «Адпаведна, іх пасадзілі ў 1893 і 1871 гадах. Тады замак ужо не быў рэзідэнцыяй уладароў, а выконваў функцыі вайсковага шпіталя царскай арміі», — адзначае тэлеграм-канал Hrodna 11:27.
Гродзенскі гісторыка-археалагічны музей усталяваў каля дубоў інфармацыйныя таблічкі, на якіх напісана відавая назва і год пасадкі.
«Нашы дубы перажылі І і ІІ сусветныя войны, страшны пажар 1944 года, а зараз сустракаюць наведвальнікаў нашага музея», — адзначаецца на сайце ўстановы.
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння3
Каментары